BREKKEGARDEN AS919 666 900

Selskapet er tufta på aktivitetar forankra i helse, natur og kultur, og verksemd som naturleg høyrer inn under dette. Verksemda omfattar òg sal av gardsprodukt, utleige og turisme.

Eigar av selskapet skal fasilitere aktivitetstilbod knytt til natur, kunst og helse, i tilknyting til den daglege drifta av småbruket Brekkegarden. Vi skal tilby og utvikle helsefremjande aktivitetar for alle aldersgrupper. Frå hausten av startar eit dagaktivitetstilbod for heimebuande demente. Vi arbeider med å skape eit meistringstilbod for born og unge, og vi arrangerar kunstnarverkstadar. Garden er ein møtestad for frivillig aktivitet, gjennom at huset står til disposisjon for frivillige grupper som driv helsefremjande aktivitet. Det skal også etablerast andelslandbruk ved garden. Brekkegarden er NaKuHel-gard. NaKuHel står for Natur, Kultur, Helse, og er ei stifting etablert i 1994. Stiftinga har som mål å stimulere til større heilskapstenking og kreativitet rundt helsefremjande arbeid. NaKuHel-gardane jobbar for å styrke samarbeid mellom praksisfelt og akademia, gjennom å legge til rette for forsking og utvikling av nye nettverk. NaKuHel-gardane skal vere synlege aktørar i lokalt folkehelsearbeid, og pådrivarar i opinions- og haldningsskapande arbeid.